Albisteak
Joana Vasconcelosen artelanek Bilbo apaindu dute
Bilboko Guggenheim museoak erakusketa eskainiko du Azaroak 11 arte
Elia C. DIEZ ROBERTSON
Joana Vasconcelos, artista Portugaldarrak “Zure Ispilua naiz” erakusketa aurkeztu zuen Guggenheim museoan ekainaren 29an. Erakusketa hau, Vasconcelosi Espainian eskaini zaion lehena izan da. Erakusketan eskaintzen den informazioak dioen bezala, Vasconcelosek 1997tik gaur egun arte garatutako artelanak aurkeztu ditu agerraldian.
“Zure ispilua naiz” erakusketari hasiera ematen zion artelana izan zen eta Joanaren artelanik handiena ere bai. Egeria, sabaitik zintzilikatua eta txiki sentiarazten zintuen obrak, milaka oihal, kolore eta xaflatxoen bidez sorturiko lana zen. Obra hau sortzeko, Vasconcelos Escandinaviar mitologiako emakumezkoetan oinarritu zen.
“Zure Ispilua naiz” erakusketan material amaigabez osaturiko artelanak eskaintzen ziren. Urrunetik gauza bat zirudiena, hurbiletik desberdina zen. Haien artean, plastikozko mahai-tresnak, katiluak, lumak, pilulak, kolore guztietako oihalak, figura erlijiosoak, tampoiak, LED argiak, mundu bolak eta egunerokoan erabilitako beste hainbat.
Material hauek erabiliz, artistak, inguratzen gaituzten hainbat pieza aurkeztu zituen bertan. Katiluak bata bestearen gainean jarriz bi takoi erraldoi eraiki, tanpoizko lanpara edo urrunetik bihotza zirudiena, hurbiletik beroaren bidez elkartutako mahai tresnak ziren.
Istorioz beteriko obrak aurkitzen ziren bertan. “Burka” egiteko bere aitak Afganistanetik ekarritako oihaletan oinarritu zen. Oihal haien artean, Iparamerikako soldadu baten kamuflaje trajea aurkitzen zen. Obra hauen bidez, emakumeari buruz hitz egitea eta erlijioei buruz hausnartzea izan zen artistaren helburua.
